တောင်ကိုရီးယားပညာရေး အဘယ်ကြောင့်တိုးတက်ရသနည်း

၂၀၁၆ ခုနှစ်အတွက် ကမ္ဘာ့ထိပ်တန်းပညာရေးမှာ တောင်ကိုရီးယားနိုင်ငံက နံပါတ် ၁ ချိတ်ခဲ့ပါတယ်။ ဥရောပမှာ ဖင်လန်နိုင်ငံက ထိပ်တန်းကနေ နံပါတ် ၅ အဆင့်လောက်ဖြစ်သွားပေမယ့် တကယ်တန်းနှိုင်းယှဉ်ရရင် ကိုရီးယားနဲ့ ဖင်လန်နိုင်ငံပညာရေးတွေ ကွာခြားမှု သိပ်မရှိလှပါဘူး။ အထူးသဖြင့်တော့ အထက်တန်း အောင်မြင်မှုကို တိုင်းတာစစ်ဆေးတဲ့ PISA စာမေးပွဲ ရလဒ်တွေမှာ တောင်ကိုရီးယားနဲ့ ဖင်လန်နိုင်ငံက ကျောင်း သားတွေရဲ့ ရမှတ်ဟာ ကွာခြားမှု သိပ်မရှိတာတွေ့ရတယ်။ နောက်ဆုံးရရှိတဲ့ စစ်ဆေးချက်တွေအရဆိုရင် တောင်ကိုရီးယားနိုင်ငံက ကျောင်းသားတွေဟာ စာဖတ်စွမ်းရည်မှာ နံပါတ် ၂ အဆင့်ပဲရှိတယ်။ သူ့ရှေ့မှာ တရုတ် (ရှန်ဟိုင်း) ဖြစ်နေတယ်။ သင်္ချာမှာတော့ နံပါတ် ၄ အဆင့်၊ သိပ္ပံမှာ နံပါတ် ၆ အဆင့်ဖြစ်သွားတယ်။

၁၉၅၀ လောက်က ကိုရီးယားစစ်ပွဲအပြီးမှာ တောင်ကိုရီးယားနိုင်ငံရဲ့ လူဦးရေ ၇၈ ရာခိုင်နှုန်းလောက်ဟာ စာမတတ်ကြဘူး။ ၁၉၇၀ လောက်မှာ ကိုရီးယားနိုင်ငံရဲ့ လူတစ်ဦးချင်းအလိုက်ဝင်ငွေဟာ ဒေါ်လာ ၂၀၀ လောက်ပဲရှိခဲ့တယ်။ တိုင်းပြည်ကစစ်ဘေးနဲ့ အငတ်ဘေးတွေ ရင်ဆိုင်ခဲ့ရတဲ့ကြားကနေ ပညာရေးဖြင့်သာ လူနေမှု ဘဝကို မြှင့်တင်နိုင်မယ်လို့ နိုင်ငံခေါင်းဆောင်တွေက အမြော်အမြင်ကြီးစွာနဲ့ အတင်းအားထုတ်ခဲ့လို့ ပညာရေးမှာ တိုးတက်ဖွံ့ဖြိုးလာခဲ့ရတာဖြစ်ပါတယ်။ ဖင်လန်နိုင်ငံလိုပဲ ကလေးတိုင်းပညာသင်ကြားနိုင်ရေးကစလုပ်တယ်။ ကလေးတိုင်းကို ပိုက်ဆံရှိသည်ဖြစ်စေ၊ မရှိသည်ဖြစ်စေ ကျောင်းကိုရောက်အောင်ပို့ဖို့ အမိန့်တွေထုတ်ကြတယ်။ ဖင်လန်မှာလည်း ဒီနည်းအတိုင်း လုပ်ခဲ့ရတာပဲ။ နိုင်ငံနှစ်နိုင်ငံဟာ ဒုက္ခတွေကြားထဲကနေ ပညာရေးကို အားပေး ခဲ့ကြတဲ့အတွက် တိုးတက်လာရတယ်လို့လည်း ပြောနိုင်တယ်။

ဖင်လန်နိုင်ငံပညာရေးစနစ်မှာ ကျောင်းသားတွေကို အိမ်စာနည်းနည်းပဲပေးတယ်။ ကျောင်းတက်ချိန်လျှော့ချထား တယ်။ ကစားချိန်ကို အများကြီးပေးထားတယ်။ တောင်ကိုရီးယားကတော့ ကျောင်းသားတွေကို တောက်လျှောက် မောင်းတယ်။ ပညာရေးမှာ မနားမနေ ကြိုးစားအားထုတ်နေမှဆိုတဲ့ အနေအထားကို ရောက်အောင် မိဘတွေရော ဆရာတွေကပါ လုပ်ဆောင်နေကြတယ်။ ဒါကြောင့် တောင်ကိုရီးယားကျောင်းသားတွေဟု အခြားနိုင်ငံက ကျောင်း သားတွေနဲ့ယှဉ်ရင်လည်း စာကိုလေ့လာသင်ယူနေရတဲ့ အချိန်တွေဟာ ပိုများတယ်။

တောင်ကိုရီးယားနိုင်ငံရဲ့ ပညာရေးစနစ်မှာ စစ်ဆေးခြင်းတွေ အထပ်ထပ်နဲ့ ရင်ဆိုင်ကြရတယ်။ အထက်တန်း ကျောင်း၊ ကောလိပ်၊ တက္ကသိုလ်ဝင်ခွင့်တွေ အားလုံးကို စာမေးပွဲတွေနဲ့ပဲ သတ်မှတ်ထားတယ်။ အဲဒီလို ဝင်ခွင့်တွေ ဖြေနိုင်ဖို့၊ ကျောင်းကောင်းကောင်းမှာ တက်နိုင်ဖို့အတွက် ကိုရီးယားက ကလေးတွေဟာ သုံးနှစ်၊ လေးနှစ်သား လောက်ကတည်းက ရင်ဆိုင်ခဲ့ကြရတယ်။ ဒါကြောင့် ကိုရီးယားနိုင်ငံက ကျောင်းတွေဟာ ကလေးတွေအပေါ် ဖိအားသိပ်ပေးလွန်းတယ်လို့ ဝေဖန်ကြပါတယ်။ ဒါပေမဲ့ ပညာရေးမှာကလည်း ရလဒ်နဲ့ တိုင်းတာနေကြရတာ ဆိုတော့ အောင်မြင်မှုတွေကို နှိုင်းယှဉ်လိုက်ရင် ကိုရီးယားက ကျောင်းသားတွေ ထိပ်တန်းရောက်နေတာဟာ အဲဒီလို အမောင်းခံ၊ အသင်ခံနေကြရလို့လားဆိုပြီးတော့လည်း မေးခွန်းထုတ်စရာ ဖြစ်နေပါတယ်။

တောင်ကိုရီးယားနိုင်ငံပညာရေး ဘာကြောင့် အောင်မြင်နေရသလဲဆိုတာ လေ့လာဆန်းစစ်ကြည့်ရင်

တောင်ကိုရီးယားနိုင်ငံဟာ ပညာရေးအတွက် ရင်းနှီးမြှုပ်နှံမှု သုံးစွဲတဲ့ပမာဏငွေ အရမ်းများတယ်။ သူတို့ဟာ ငယ်စဉ်ကတည်းက ကြီးလာရင် ဘယ်ကျောင်းတက်မယ်၊ ဘာလုပ်မယ်၊ ဘယ်သူတွေနဲ့ လက်ထပ်မယ် ဆိုတာတွေ ကအစ ကြိုတင်ဆုံးဖြတ်ချက်ချပြီးသားတွေ ဖြစ်နေတတ်တာများတယ်။ သူတို့မိဘတွေဟာ သူတို့သားသမီး တွေကို ဘယ်မှာထားမှာ၊ ဘာတွေသင်ယူစေမယ်ဆိုတာ အဆုံးအဖြတ်ပေးသူတွေ ဖြစ်နေတတ်တယ်။ ဒါကြောင့် ကျောင်းကောင်းကောင်းထားနိုင်ရေး၊ ပညာရေးမှာကောင်းစေရေးကို မိဘတွေက အလေးပေးလုပ် ဆောင်ကြတာ တွေ့ရတယ်။

တောင်ကိုရီးယားနိုင်ငံက မိဘတွေဟာ သူတို့သားသမီးပညာရေးအတွက် ငွေကြေးသုံးစွဲမှု များတယ်။ သူတို့ ဝင်ငွေရဲ့ ၁၅ ရာခိုင်နှုန်းလောက်ကို သားသမီးတွေရဲ့ ပညာရေးအတွက် အသုံးပြုကြတယ်။ အချို့ဆိုရင် သူတို့ ဝင်ငွေရဲ့ ၂၅ ရာခိုင်နှုန်းလောက်အထိကို သုံးတယ်။ သူတို့ပညာရေးက ကျောင်းတစ်ခုတည်း ပြီးတာမဟုတ်ဘူး။ ကျောင်းပြီးလည်း ကျူရှင်ပြေးကြရသေးတယ်။ ဒါကြောင့် ကျောင်းကြေး၊ ကျူရှင်ကြေး၊ ပစ္စည်းကြေး အများကြီး ရင်းနှီးမြှုပ်နှံထားကြရတယ်။

သူတို့ကျောင်းသားတွေဟာ မနက် ၉ နာရီကနေ ညနေ ၅ နာရီအထိ ကျောင်းတက်ကြရတယ်။ ကျောင်းလွှတ်ရင် ဟတ်ဝမ်လို့ခေါ်တဲ့ ကျူရှင်ကျောင်းတွေကို ပြေးတက်ကြရပြန်တယ်။ ကျူရှင်မှာ ညနေ ၅ နာရီကနေ ၁၀ နာရီ လောက်အထိ တပ်ပြီး ကြိုးစားရပြန်တယ်။ ကျောင်းကပေးလိုက်တဲ့စာတွေနဲ့ ကျူရှင်က ပေးလိုက်တဲ့ စာတွေကို အိမ်ပြန်ရောက်ရင် လုပ်ကြရပြန်တယ်။ ဘယ်မှာလဲ သူတို့ကစားချိန်။ စားချိန်တောင်မနည်း လိုက်ကျွေးနေရတဲ့ ဘဝလို့ တောင်ကိုရီးယားမှာ စာလာသင်ပေးနေတဲ့ တောင်အာဖရိကသားဆရာတစ်ဦးက ဝေဖန်ရေးထားတာ လည်း ဖတ်ရဖူးတယ်။

ကိုရီးယားကဆရာတွေကလည်း ကျောင်းသားတွေ အောင်မြင်တိုးတက်ရေးကို အပြည့်အဝတာဝန်ယူထားကြ ရတယ်။ သူတို့မှာ ပညာရေးနဲ့ ပတ်သက်တဲ့ ခံယူချက်တွေရှိကောင်းရှိနိုင်ပေမယ့် ထွင်ပြီးတော့ လုပ်နိုင်တာတွေ သိပ်မရှိဘူး။ အလုပ်မပြုတ်ချင်ရင် အားထုတ်ဆိုတာ သူတို့ရဲ့ ဖိအားတွေပဲ။ ဒါကြောင့် ဆရာတွေလည်း မိဘတွေနဲ့ ကျောင်းသားတွေ စိတ်ကြိုက် အောင်မြင်မှုရရေးလမ်းကြောင်းကိုပဲ လိုက်သင်နေကြရတာများတယ်။ ကိုရီးယား ဆရာတွေရဲ့ လစာဟာ အလွန်မြင့်မားတယ်။ လုပ်ငန်းကလည်း လုံခြုံမှုရှိသလို ရပိုင်ခွင့်တွေ ခံစားခွင့်တွေလည်း များတယ်။ သူတို့နိုင်ငံမှာ ထိပ်တန်းဝင်ငွေအကောင်းဆုံး စာရင်လောက်မှာ ပါနေတဲ့ လုပ်ငန်းလို့လည်း ဆိုနိုင် တယ်။ ဆရာအလုပ်ရဖို့ဆိုတာလည်း လွယ်လှတယ်လို့တော့ မဟုတ်ပါဘူး။ မူလတန်းဆရာအတတ်သင်ကျောင်း တက်ပြီးလို့ အောင်လက်မှတ်ရလာတဲ့သူတွေထဲက ၅ ရာခိုင်နှုန်းလောက်ပဲ အလုပ်ရကြတာဆိုတော့ သာမန် အစွမ်းအစလောက်နဲ့တော့ ဆရာလောကကို ဝင်တိုးလို့မရဘူး။ ဒါကြောင့် အလုပ်ရပြီးရင်လည်း ပြန်ထွက်သူ ရှားတယ်။ ခက်ခက်ခဲခဲရထားကြတာကိုး။ နှစ်စဉ်ဆရာလောကကနေ ပြန်ထွက်တဲ့ဆရာအရေအတွက်ဟာ ၁ ရာခိုင်နှုန်းလောက်ပဲရှိတယ်။

ကိုရီးယားနိုင်ငံ ပညာရေးဝန်ကြီးကလည်း အရမ်းအလုပ်လုပ်တယ်။ တစ်နိုင်ငံလုံး ဘယ်ကျောင်းမှ မကျန်စေရ ထိပ်တန်းရောက်နေရမယ်ဆိုပြီး ဖိအားတွေပေးတယ်။ ၂၀၀၈ ခုနှစ်လောက်ကတည်းက ကျေးလက်နဲ့ မြို့ပြ ပညာရေး ကွာဟချက်တွေ မရှိအောင် လုပ်ခဲ့ကြတယ်။ အလယ်တန်းကျောင်းတွေကို အထောက်အပံ့တွေပေး တယ်။ ကွန်ပျူတာတွေပို့တယ်။ နေ့လည်စာကျွေးနိုင်အောင် စီစဉ်ပေးကြတယ်။ မြို့နဲ့တော တန်းတူပညာရေး ဖြစ်ကိုဖြစ်ရမယ်ဆိုပြီး သူတို့လုပ်ကြတယ်။

တောင်ကိုရီးယားနိုင်ငံပညာရေး ဘာကြောင့်တိုးတက်ရသလဲဆိုရင် နည်းပညာကို ကျောင်းတွေမှာ ရယူသုံးစွဲနိုင် အောင် လုပ်ဆောင်ပေးလိုက်လို့ပဲ။ ၂၀၀၉ လောက်ကတည်းက သူတို့ဟာ PISA စာမေးပွဲအတွက် ကွန်ပျူတာ ကနေ ဖြေဆိုလေ့ကျင့်နိုင်အောင် ကျောင်းသားတွေကို လေ့ကျင့်ပေးနေပြီ။ ကိုရီးယားနိုင်ငံ အထက်တန်းကျောင်း တိုင်းမှာ အင်တာနက်တပ်ဆင်ပေးထားတယ်။ ကျောင်းသုံးဖတ်စာတွေကိုလည်း ဖတ်စာအုပ်တွေအတိုင်း မထားဘဲ ကွန်ပျူတာနဲ့ဖတ်နိုင်အောင် ဒစ်ဂျစ်တယ်ဖတ်စာတွေအဖြစ် အသွင်ပြောင်းပေးလိုက်တယ်။ စာအုပ် မဝယ်နိုင်လို့ဆိုတဲ့ ပြဿနာ သူတို့မှာ မရှိဘူး။ ပြဋ္ဌာန်းစာအုပ်တွေ၊ ပြဋ္ဌာန်းဆက်စပ်စာအုပ်တွေအားလုံး အင်တာနက်မှာရတယ်။ ကွန်ပျူတာ၊ လက်ပ်တော့၊ တက်ဘလက်၊ ဖုန်းရှိရင် ပြဋ္ဌာန်းချက်တွေအားလုံး အလွယ် ဖတ်နိုင်တယ်။

၂၀၁၅ ခုနှစ်မှာ ကျောင်းသုံးပြဋ္ဌာန်းထားတဲ့ စာအုပ်အားလုံး ၁၀၀ ရာခိုင်နှုန်း အွန်လိုင်းကနေ ရယူဖတ်ရှုနိုင် အောင် လုပ်ပေးခဲ့တယ်။ ခုဆိုရင် ပညာရေးဝန်ကြီးက Cyber Home Learning System ဆိုတာကို လုပ်နေပြီ။ အဲဒီစနစ်ကတော့ ကျောင်းပြီးလို့ အိမ်ပြန်လည်း ကားပေါ်မှာဖြစ်စေ၊ အိမ်ပြန်ရောက်လို့ မအိပ်ချင်သေးရင် အိပ်ယာ ပေါ်မှာဖြစ်စေ လေ့လာသင်ယူနိုင်မယ့်အစီအစဉ်တွေပဲဖြစ်တယ်။

ကိုရီးယားပညာရေးစနစ်ကနေ ဘာတွေ သင်ခန်းစာယူနိုင်သလဲ

(၁) မိဘတွေ ပညာရေးအားပေးတယ်

မိဘတိုင်းလိုလို သူတို့သားသမီးတွေ ပညာရေးမှာ ထဲထဲဝင်ဝင်ပူးပေါင်းပါဝင်ကြတာတွေ့ရတယ်။ သူတို့ကတော့ သားသမီးတွေ လမ်းမှားမရောက်သွားစေဖို့လို့ အကြောင်းပြကြတယ်။ တစ်နည်းပြောရရင် မိဘနဲ့ သားသမီးကြားမှာ Win-Win ဖြစ်အောင် လုပ်ကြတာပဲလို့ ပြောရင်လည်းရတယ်။ ပညာတတ်ဖို့၊ ကျောင်းကောင်း ကောင်းနေရဖို့၊ တက္ကသိုလ်ကောင်းကောင်းတက်ရဖို့ မိဘတွေက အကုန်အကျတွေခံ၊ စိတ်မောလူမောခံပေးနေ တာကိုက အောင်မြင်ဖို့ဖြစ်လာတယ်လို့ အကောင်းဘက်က လှည့်တွေးရမှာပဲ။

(၂) နည်းပညာကို အသုံးချလွန်းတယ်

တောင်ကိုရီးယားနိုင်ငံတွေမှာ နည်းပညာအသုံးပြုနေမှုဟာ အံ့သြလောက်အောင်ထွန်းကားလာတယ်။ ကွန်ပျူတာ၊ အင်တာနက်၊ LCD မြင်ကွင်းကျယ် ဘုတ်ကြီးတွေ၊ စမတ်ဘုတ်တွေကို ကျောင်းတိုင်း စာသင်ခန်း တိုင်းလိုလိုမှာတွေ့ရတယ်။ ကျောင်းသားတွေကို နည်းပညာအထောက်အကူနဲ့ ပညာကို ဘယ်လိုရယူနိုင်တယ် ဆိုတဲ့ လမ်းကြောင်းကိုပေးထားတယ်။ ကျောင်းတိုင်းမှာ အသုံးပြုနေတဲ့ အင်တာနက်ကလည်း မြန်နှုန်းမြင့် အကောင်းစားတွေ။

ဆရာတွေကိုယ်တိုင်ကလည်း နည်းပညာကို ကျွမ်းဝင်၊ တပည့်တွေကို နည်းပညာနဲ့ သင်ထောက်ကူဖြစ်အောင် သင်နိုင်တဲ့အတွက် သင်ယူမှု သင်ကြားမှုစတိုင်တွေက အများကြီး ပြောင်းလဲသွားတယ်။ ကျောင်းသားတွေကိုယ် တိုင်က ဘယ်မှာ ဘယ်လိုရှာကြရတယ်ဆိုတာ သိနေတယ်။ ကျောင်းသားတိုင်း ကွန်ပျူတာ၊ တက်ဘလက်ကိုင် နိုင်အောင် စီစဉ်ပေးပြီးတော့ မဖြစ်မနေ သုံးကိုသုံးမှ ရတယ်ဆိုတဲ့အနေအထားကိုရောက်အောင်လုပ်ထားတယ်။ ကျောင်းတွေမှာ ကွန်ပျူတာကို ကျောင်းသားတိုင်း သုံးနိုင်အောင် ကျောင်းရန်ပုံငွေ၊ မိဘဆရာအသင်းရန်ပုံငွေ တွေ ထုတ်ချေးတယ်။ ကွန်ပျူတာကို ကျောင်းတိုင်း၊ အတန်းတိုင်း သုံးနိုင်အောင် လုပ်ဆောင်ခြင်းဟာ ကိုရီးယား ပညာရေးကို အရှိန်အဟုန်မြှင့်ပေးလိုက်တာပါပဲ

(၃) ဒါသင့်ကျောင်း ကောင်းအောင်လုပ်

ကိုရီးယားကဆရာတွေဟာ တာဝန်ယူထားရတာထက် ပိုပြီး ပြေးနေကြရတဲ့သူတွေလို့ တင်စားတယ်။ သူတို့ကိုယ် တိုင် အမြဲလေ့လာသင်ယူနေကြရတယ်။ တပည့်နောက်မှာ ကျန်နေပြီဆိုရင် သူတို့ဘဝ အာမခံချက် မရှိတော့ဘူး။ စာသင်ခန်းထဲဝင်လိုက်တာနဲ့ မနေ့ကထက် ပိုကောင်းအောင်လုပ်မယ်ဆိုပြီး ဝင်ကြရတယ်။ ကျောင်းသားက လက်ခံလာအောင်၊ လေးစားလာအောင်၊ ချစ်ကြောက်ရိုသေလာအောင် လုပ်ပြနိုင်မှ သူ့အတွက်လည်း အာမခံချက် ရှိမှာဆိုတော့ အချိန်နဲ့အမျှ ပြေးနေကြရတယ်လို့ပြောနိုင်တယ်။

(၄) ဆရာဆိုတာ ထာဝရကျောင်းသား

ကိုရီးယားဆရာတွေဟာ အမြဲလေ့လာသင်ယူနေရမယ်လို့ ခံယူထားကြရတယ်။ သူတို့ စိတ်ကူးတွေ၊ အတွေးတွေ၊ အမြင်တွေဟာ အမြဲလန်းဆတ်နေရတယ်။ သူတို့သင်ကြားမှုတွေဟာ အမြဲဆန်းသစ်နေရတယ်။ကျောင်းသားတွေ စိတ်ဝင်စားအောင် ဘယ်လိုလုပ်ရင်ကောင်းမလဲဆိုတာ သူတို့အတွက် စိန်ခေါ်မှုကြီးတစ်ခုပဲ။ မနှစ်ကဟာကို ဒီနှစ် လာသင်ဖို့မပြောနဲ့ မနေ့ကအကြောင်း ဒီနေ့လာပြောရင်တောင် သူတို့အဝေဖန်ခံရတယ်။ စာသင်ခန်းဆိုတာ အဟောင်းတွေယူလာဖို့မဟုတ်၊ အကောင်းအသစ်နဲ့ ပြောင်းလဲပစ်ပါဆိုတာ သူတို့ပညာရေးဆောင်ပုဒ်ပဲ။

(၅) ငါတို့ကျောင်းသား ကောင်းစားစေရမည်

တောင်ကိုရီးယားကကျောင်းသားတွေကို ပညာရေးစိတ်ပါဝင်စားအောင်လုပ်ကြတဲ့ဆရာတွေဟာ အရေးကြီး တယ်။ သာမန်လောက်နဲ့ သူတို့ကို ဆွဲခေါ်ဖို့ဆိုတာ အဝေးကြီး။ ကျောင်းသားတွေမှာ ဖိအားတွေ ဒီလောက်များ နေတဲ့အထဲက နေ့မအိပ်၊ ညမနား ဘာကြောင့် ပညာကို ကြိုးစားသင်ယူနေကြရသလဲဆိုတာ အကြောင်းအများ ကြီးရှိတယ်။ ဆရာတွေကို သူတို့ကို အပြုသဘောဆောင်တဲ့ အကြံပြုချက်တွေပေးတယ်။ မိဘတွေဆီကိုလည်း အကြံပြုတာတွေ မပြတ်ပို့ပေးတယ်။ ပညာရေးကောင်းအောင် အားလုံး ပူးပေါင်းဆောင်ရွက်နေကြတဲ့သဘော ဖြစ်လို့ နားလည်မှုတွေ ရှိကြတယ်။ အားလုံးက မြင့်မြင့်မှန်းနေသူတွေချည်းဖြစ်တော့ တွန်းတင်ပေးကြရအောင် ဆိုတာ ခံယူချက်ကြီးတစ်ခုလိုဖြစ်နေပါတယ်။